Iluarsaassineq

Saqqummersitami matumani Naatsorsueqqissaartarfik Kalaallit Nunaanni Politiit peqatigalugit piffissami 2024-imiit 2023-mut unnerluussinernut nalunaarsuutinik aaqqissuussivoq. Unnerluussinernut kiisalu nalunaarsuinermi periaatsimik aaqqissuussinerup kinguneraa matumani kisitsisit siuliani saqqummersinneqarsimasunit annikitsumik allaanerunerat, takuuk periaatsimut immikkoortoq.

 

2014-imiit 2023-mut pinerluttuliortarneq

Piffissami pineqartumi unnerluussisimanernut sukumiinerusumik paasissutissat Naatsorsueqqissaartarfiup Kisitsisaataasiviani bank.stat.gl-imi nassaarineqarsinnaapput. Kisitsisaataasivimmi uuttuutinik nammineq toqqartuilluni tabelinik aallertoqarsinnaavoq, ilaatigut politeeqarfiit, pinerlussimanerup suussusaa kiisalu unnerluussinermi ukioq toqqarneqarsinnaallutik. Saqqummersitamilu matumani kisitsisaataasivimmi nalunaarsuutit nutartikkat aaneqarsinnaasut assersuusiaralugit takutinneqarput.

 

Naatsorsueqqissaartarfimmit kisitsisaataasivimmi kisitsisit annertunerulernissaat sulissutigineqarpoq, tassani aalajangiinernut nalunaarsuutit 2024-mi naatsumik nalunaarusiorlugit saqqummersinneqarumaarlutik.